Imágenes de páginas
PDF
EPUB

'For she has tint her lover, lover dear, Her lover dear, the cause of sorrow; And I ha'e slain the comeliest swain

That e'er pu'ed birks on the braes of Yarrow.

'Why runs thy stream, O Yarrow, Yarrow, reid? Why on thy braes heard the voice of sorrow? And why yon melancholeous weeds,

Hung on the bonnie birks of Yarrow?

'What's yonder floats on the rueful, rueful flood?
What's yonder floats? Oh dule and sorrow!
Oh! 'tis the comely swain I slew

Upon the duleful braes of Yarrow!

'Wash, oh, wash his wounds, his wounds in tears,
His wounds in tears, with dule and sorrow,
And wrap his limbs in mourning weeds,
And lay him on the braes of Yarrow!

'Then build, then build, ye sisters, sisters sad, Ye sisters sad, his tomb with sorrow,

And weep around in waeful wise,

His helpless fate on the braes of Yarrow.

'Curse ye, curse ye his useless, useless shield,
My arm that wrought the deed of sorrow,

The fatal spear that pierced his breast,
His comely breast, on the braes of Yarrow.

'Did I not warn thee not to love,

And warn from fight? but, to my sorrow,

O'er-rashly bold, a stronger arm

Thou met'st, and fell on the braes of Yarrow.

'Sweet smells the birk; green grows, green grows the grass,

Yellow on Yarrow's braes the gowan,

Fair hangs the apple frae the rock,

Sweet the wave of Yarrow flowan'.

'Flows Yarrow sweet? as sweet, as sweet flows Tweed,

As green its grass, its gowan yellow,

As sweet smells on its braes the birk,

The apple frae the rock as mellow.

'Fair was thy love! fair, fair indeed thy love!
In flowery bands thou him didst fetter;
Though he was fair, and well-beloved again,
Than me he never loved thee better.

'Busk ye, then, busk, my bonnie, bonnie bride,
Busk ye, busk ye, my winsome marrow;
Busk ye, and lo'e me on the banks of Tweed,
And think nae mair on the braes of Yarrow.'

C. How can I busk, a bonnie, bonnie bride ?
How can I busk, a winsome marrow?
How lo'e him on the banks of Tweed,
That slew my Love on the braes of Yarrow?

'O Yarrow fields! may never, never rain,

Nor dew thy tender blossoms cover,
For there was basely slain my Love,

My Love, as he had not been a lover!

'The boy put on his robes, his robes of green,

His purple vest, 'twas my ain sewin':

Ah, wretched me! I little, little knew,

He was in these to met his ruin.

'The boy took out his milk-white, milk-white steed,
Unheedful of my dule and sorrow;

But, ere the toofal of the night,

He lay a corpse on the braes of Yarrow.

'Much I rejoiced that waeful, waeful day,
I sang, my voice the woods returning;
But lang ere night the spear was flown
That slew my Love, and left me mourning.

'What can my barbarous, barbarous father do,
But with his cruel rage pursue me?

My lover's blood is on thy spear;

How canst thou, barbarous man, then woo me?

'My happy sisters may be, may be proud;

With cruel and ungentle scoffing

May bid me seek on Yarrow's braes

My lover nailèd in his coffin.

'My brother Douglas may upbraid,

And strive with threatening words to move me;
My lover's blude is on thy spear,

How canst thou ever bid me love thee?

'Yes, yes, prepare the bed, the bed of love,

With bridal-sheets my body cover;

Unbar, ye bridal maids, the door,

Let in the expected husband-lover!'

LADY ANNE LINDSAY.

Born 1750. Died 1825.

AULD ROBIN GRAY.

HEN the sheep are in the fauld, and the kye come hame,

WHE

When a' the world to rest are gane,

The waes o' my heart fa' in showers frae my e'e,

While my gudeman lies sound by me.

Young Jamie lo'ed me weel, and sought me for his bride;

But saving a crown, he had naething else beside.

To make the crown a pound, my Jamie gaed to sea;

And the crown and the pound were baith for me.

He hadna been awa' a week but only twa,

When my father brak his arm, and the cow was stown awa'; My mother she fell sick, and my Jamie at the sea,

And auld Robin Gray came a-courtin' me.

My father couldna work, and my mother couldna spin;

I toiled day and night, but their bread I couldna win; Auld Rob maintained them baith, and, wi' tears in his e'e, Said, Jennie, for their sakes, oh marry me !

My heart it said nay; I looked for Jamie back;

But the wind it blew high, and the ship it was a wrack;
His ship it was a wrack-why didna Jamie dee?

Or why do I live to cry, Wae's me?

My father urgit sair my mother didna speak;

:

But she looked in my face till my heart was like to break:
They gi'ed him my hand, but my heart was at the sea;
Sae auld Robin Gray he was gudeman to me.

I hadna been a wife a week but only four,
When mournfu' as I sat on the stane at the door,
I saw my Jamie's wraith, for I couldna think it he-
Till he said, I'm come hame to marry thee.

O sair, sair did we greet, and muckle did we say;
We took but ae kiss, and I bad him gang away:
I wish that I were dead, but I'm no like to dee;
And why was I born to say, Wae's me!

I gang like a ghaist, and I carena to spin;
I daurna think on Jamie, for that wad be a sin;
But I'll do my best a gude wife aye to be,
For auld Robin Gray he is kind unto me.

[blocks in formation]

I'm wearin' awa'

To the land o' the leal.

There's nae sorrow there, Jean, There's neither cauld nor care, Jean,

The day is aye fair

In the land o' the leal.

Our bonnie bairn 's there, Jean,
She was baith gude and fair, Jean,
And oh! we grudged her sair

To the land o' the leal.

But sorrow's sel' wears past, Jean,
And joy's a-comin' fast, Jean,
The joy that's aye to last

In the land o' the leal.

Sae dear that joy was bought, Jean, Sae free the battle fought, Jean, That sinfu' man e'er brought

To the land o' the leal.

Oh! dry your glistening e'e, Jean,
My soul langs to be free, Jean,
And angels beckon me

To the land o' the leal.

« AnteriorContinuar »