Ridebat hunc turpi trabe Vesana pendentem cohors: Descendat, inquit, et Deum Illi Patrem fatebimur.

At tu, paternis obsequens
Ad usque mortem legibus,
Orbem Sacerdos Victima
Toto piabas sanguine.

Non ille descendit cruce;
Plus fecit; ecce mortuus
Se reddit ipse lumini:
Deo satum jam credite.

Sit laus Patri, laus Filio,
Qui nos triumphatâ nece,
Ad astra secum dux vocat,
Compar tibi laus, Spiritus.

HYMNUS 69.

AURORA Cœlum purpurat,
Æther resultat laudibus,
Mundus triumphans jubilat,
Horrens avernus infremit.

Rex ille dum fortissimus
De mortis inferno specu
Patrum Senatum liberum
Educit ad vitæ jubar.

Cujus sepulcrum plurimo Custode signabat lapis, Victor triumphat, et suo Mortem sepulcro funerat.

Sat funeri, sat lacrymis, Sat est datum doloribus, Surrexit Extinctor necis, Clamat coruscans angelus.

Ut sis perenne, mentibus Paschale, Jesu, gaudium, A morte dirâ criminum Vitæ renatos libera.

HYMNUS 70.

FORTI tegente brachio Evasimus rubrum mare, Tandemque durum perfidi Jugum Tyranni fregimus.

Nunc ergo lætas vindici Grates rependamus Deo, Agnique mensam candidis Cingamus ornati stolis.

Hujus sacrato corpore Amoris igne fervidi, Vescamur atque sanguine

Vescendo, vivimus Deo.

Jam Pascha nostrum Christus est;

Hic Agnus, hæc est Victima :

Cruore cujus illitos

Transmittit ultor Angelus.

Oh digna cœlo Victima!
Mors ipsa per quam vincitur:
Per quam refractis Inferi
Prædam relaxant postibus.

Sit laus Patri, laus Filio,
Qui nos triumphatâ, nece,
Ad astra secum dux vocat:
Compar tibi laus, Spiritus.

HYMNUS 71.

SALUTIS humanæ Sator,
Jesu voluptas cordium,
Orbis redempti Conditor,
Et casta lux amantium;

Quâ victus es clementiâ
Ut nostra ferres crimina?
Mortem subires innocens,
A morte nos ut tolleres.

Perrumpis infernum chaos,
Vinctis catenas detrahis;
Victor triumpho nobili
Ad dexteram Patris sedes.

Te cogat indulgentia,

Ut damna nostra sarcias;
Tuique vultus compotes
Dites beato lumine.

Tu Dux ad astra, et semita,
Sis meta nostris cordibus,
Sis lacrymarum gaudium,

Sis dulce vitæ præmium.

HYMNUS 72.

OPUS peregisti tuum,
Te Christe, victorem necis,
Æterna, quam reliqueras
Coli reposcit gloria.

Jam nube vectus fulgidâ
Terras jacentes despicis :
Educta longo cárcere
Regem sequuntur agmina.

Mirante turmâ Coelitum

Panduntur æternæ fores:

Ovansque sublimem Patris

Homo Deus scandit Thronum.

Illic patronus, Pontifex,

Pacis sequester, quem tua

Semel profudit caritas

Offerre pergis sanguinem.

Illinc adornas et foves

Ecclesiam sponsam tuam;
Cunctisque vitam dividis
Infusa ceu mens artubus.

Illinc tot inter prælia
Periclitantem sustines:
Das militanti vincere,
Palmam triumphanti paras.

Qui victor ad cœlum redis,
Jesu, tibi sit gloria,

Cum Patre, cumque Spiritu, In sempiterna secula.

HYMNUS 73.

JESU, nostra redemptio,
Amor et desiderium,

Deus creator omnium,
Homo in fine temporum.

Quæ te vicit clementia,
Ut ferres nostra crimina,
Crudelem mortem patiens
Ut nos à morte tolleres !

Inferni claustra penetrans,
Tuos captivos redimens,
Victor triumpho nobili

Ad dextram Patris residens