PULSUM supernis sedibus, Umbris tot annos obsitum, Coelestis ignarum viæ, Errabat humanum genus.
Cœlestis en Rex curiæ,
Ut monstret ad cœlum viam Secumque ducat exules, Se sponte fecit exulem.
Se deviis præbet ducem, Vires dat ambulantibus: Est ipse quà ducit via, Quo ducit, ipse terminus.
Deus, suprema Veritas, Umbrata velo corporis, Puris videnda mentibus
Lustra tuo nos lumine.
Mundo redemptor qui venis, Fili, tibi laus maxima, Cum Patre, nec tibi minor Laus, utriusque Spiritus.
HÆC illa solemnis dies,
Dies salutis nuntia,
Quá missa terris tristibus Venere cœlo gaudia.
Unius omnes crimine Casu gravi lapsi sumus: Ut ipse lapsos erigat, Descendit in terras Deus.
Qui Patris æterno sinu Æterna proles nascitur, Obnoxius fit tempori
Sinum nec horret Virginis.
Mortale corpus induit,
Orbi piando victimam, Ut innocenti sanguine Scelus nocentum diluat.
Qui cuncta complet numine Nostros se in artus colligit: Ut nos reducat ad Deum, Est ipse nobiscum Deus.
Mundo redemptor qui venis, Fili, tibi laus maxima, Cum Patre, nec tibi minor Laus, utriusque Spiritus.
SINE sub alto vertice
Cœlo tonante, lex data: Inter tubas et fulgura
Præsens minabatur Deus.
Nunc temperato numine Per vela carnis blandiùs Amat videri, languidis Se lumen aptans sensibus.
Insculpta saxo lex vetus Præcepta, non vires dabat: Inscripta cordi lex nova Dat posse quidquid imperat.
Scripsistis hanc fidâ manu, Hanc voce, voci consonis Hanc prædicâstis moribus, Signâstis hanc et sanguine.
Afflante Divo Spiritu Quæ verba vitæ traditis, Hæc ille nostris imprimat Delenda nunquam cordibus.
Sit laus Patri, laus Filio, Qui nos, triumphatâ nece, Ad astra secum dux vocat, Compar tibi laus, Spiritus.
CHRISTI perennes nuntii, Retecta qui cœlestibus
Scriptis Dei mysteria Totum per orbem spargitis.
Olim sub umbris condita Vates sacri quæ viderant, Umbris procul cedentibus, Vidistis hæc pleno die.
Humana quæ tulit Deus, Divina quæ gessit Homo, Seris legenda posteris Dictante scripsistis Deo.
Loco remotos, tempore Vos rexit idem Spiritus; Vestris adhuc in paginis Nobis loqui non desinit.
Sit laus Patri, laus Filio, Qui nos, triumphatâ nece, Ad astra secum dux vocat, Compar tibi laus Spiritus.
PREDICTA Christi mors adest, At vos timori parcite : Nil inde, nil caros pius Remittet in fratres amor.
Durate fortes: irritos Mundi tumultus spernite : Deo volente, turbini Serena succedet dies.
Coeli perenne gaudium Solabitur luctus breves: Brevem triumphum seculi Eternus obruet dolor.
Qui carne frater in suo Mortem peremit corpore, Divinitatis vos suæ Dignabitur consortio.
Da, Christe, nos tecum mori, Tecum simul da surgere:
Terrena da contemnere, Amare da cœlestia.
Sit laus Patri, laus Filio, Qui nos, triumphatâ nece, Ad astra secum dux yocat; Compar tibi laus, Spiritus.
« AnteriorContinuar » |